Toy Olsun — Məxfilik Siyasəti

Son yenilənmə: 2026-cı il, noyabr

Toy Olsun ("biz", "tətbiq") sizin məxfiliyinizə hörmət edir. Bu Məxfilik Siyasəti tətbiqi istifadə edərkən hansı məlumatların toplandığını, necə istifadə olunduğunu və qorunduğunu izah edir.

Tətbiqdə iki istifadəçi qrupu var: Müştərilər (toy/tədbir planlaşdıran şəxslər) və Partnyorlar (zal, artist, fotoqraf və digər xidmət göstərən şəxslər/bizneslər). Aşağıda hər ikisi üçün ayrıca izah olunur.

1. Müştərilər üçün — Topladığımız Məlumatlar

Tətbiqdən istifadə etmək (kataloqa baxmaq) üçün hesab yaratmaq tələb olunmur. Yalnız sifariş/müraciət göndərdiyiniz zaman aşağıdakı məlumatlar toplanır:

Ad və Soyad — sizinlə əlaqə saxlamaq üçün
Telefon nömrəsi — sizinlə əlaqə saxlamaq üçün
Tədbir tarixi və qonaq sayı — smeta hesablamaq üçün

2. Partnyorlar üçün — Topladığımız Məlumatlar

Partnyor olmaq üçün qeydiyyat tələb olunur. Qeydiyyat zamanı və istifadə boyu aşağıdakı məlumatlar toplanır:

Email ünvanı — hesaba giriş və əlaqə üçün
Şifrə — təhlükəsiz, şifrələnmiş (hash) formatda saxlanılır, heç kim (biz daxil) onu görə bilməz
Xidmət məlumatları — zalın/artistin adı, ünvanı, telefon nömrəsi, qiyməti, təsviri
Şəkillər — yüklədiyiniz xidmət şəkilləri
Müştəri müraciətlərinin məlumatları — yalnız sizin xidmətinizə göndərilən müraciətlərdəki müştəri adı, telefonu, tədbir tarixi (bu məlumatlar yalnız aid partnyora göstərilir, başqa partnyorlara açılmır)

3. Məlumatların İstifadəsi

Topladığımız məlumatlar yalnız aşağıdakı məqsədlər üçün istifadə olunur:

Müştəri sifarişini/müraciətini uyğun xidmət göstərənə (partnyora) çatdırmaq
Partnyorun öz xidmətini kataloqda göstərmək və idarə etməsini təmin etmək
Sizinlə əlaqə saxlamaq və müraciəti izləmək
Hesabınıza təhlükəsiz giriş təmin etmək

Məlumatlarınız üçüncü tərəflərə satılmır. Reklamlarımızın nəticəsini ölçmək üçün yalnız aşağıda (4-cü bölmə) göstərilən məhdud cihaz məlumatları Meta ilə paylaşılır.

4. Üçüncü Tərəf Xidmətləri

Tətbiq, məlumatları saxlamaq və emal etmək üçün aşağıdakı etibarlı xidmətlərdən istifadə edir:

Xidmət	Məqsəd
Supabase	Verilənlər bazası, autentifikasiya, fayl saxlama (şəkillər)
Telegram	Müştəri müraciətlərinin komandaya bildirilməsi
Meta (Facebook SDK)	Tətbiqin quraşdırılması və açılması haqqında məlumatı və reklam identifikatorunu (iPhone-da IDFA, Android-də Advertising ID) Instagram və Facebook reklamlarının nəticəsini ölçmək üçün Meta-ya göndərmək
Meta Pixel (sayt)	toyolsun.world/partnyor səhifəsində səhifəyə baxış və qeydiyyatın göndərilməsi faktını reklam nəticəsini ölçmək üçün Meta-ya bildirmək. Formadakı ad, telefon və digər məlumatlar Meta-ya göndərilmir.
Sentry	Tətbiqdəki xətaların (çökmələrin) aşkarlanması və düzəldilməsi

Bu xidmətlər, öz məxfilik siyasətlərinə uyğun olaraq məlumatları qoruyur.

Reklam izləməsindən imtina: iPhone-da tətbiq ilk açılışda icazə soruşur. "İzləməyə icazə vermə" seçsəniz, reklam identifikatoru göndərilmir. Bunu sonra da Ayarlar → Məxfilik və Təhlükəsizlik → İzləmə bölməsində dəyişə bilərsiniz. Android-də Ayarlar → Google → Reklamlar → Reklam ID-sini sil yolu ilə reklam identifikatorunu silə bilərsiniz.

5. Məlumatların Saxlanması və Silinməsi

Müştəri müraciət məlumatları, sifarişin izlənməsi məqsədilə saxlanılır.

Partnyorlar öz hesablarını istənilən vaxt tətbiq daxilində Hesab Ayarları → Hesabı Sil bölməsindən silə bilərlər. Hesab silindikdə:

Hesab məlumatlarınız (email, şifrə) tamamilə silinir
Bütün xidmət elanlarınız silinir
Yüklədiyiniz bütün şəkillər saxlama sistemindən silinir

Bu əməliyyat geri qaytarıla bilməz.

6. Uşaqların Məxfiliyi

Tətbiqimiz 13 yaşından kiçik uşaqlar üçün nəzərdə tutulmayıb və onlardan bilərəkdən məlumat toplamırıq.

7. Dəyişikliklər

Bu Məxfilik Siyasəti zaman-zaman yenilənə bilər. Dəyişikliklər bu səhifədə dərc olunacaq.

8. Bizimlə Əlaqə

Suallarınız varsa, bizimlə əlaqə saxlaya bilərsiniz:

Email: ibo96@icloud.com